عميل : و النبي يا بني اديني حقنة البرد ؟
الصيدلي : حاضر يا حاج..
و يبدأ الصيدلي في تحضير التركيبة المنشوده
Cefotaxime 1gm - dexamethasone 8 mg - diclofenac 75 mg
او
Ceftriaxone 1 gm + diclofenac 75mg
او
Ceftriaxone 1 gm + dexamethasone 8mg
……………………
ليه تعمل كده ؟؟؟
الاجابه واضحه جدا ... انك عايز العميل بتاعك يخف بسرعه و يقول عليه دكت ..... اقصد صيدلي شاطر .
تعالوا بقي نتكلم بشكل علمي شويتين ....
1- مش شرط كل دور برد يكون محتاج مضاد حيوي >>>> و هنا بنيجي ل 3 حالات
- انه يكونش bacterial infection اصلا .. و تكون فيروس viral infection
- ان تكون bacterial infection بس الجهاز المناعي immune response هو اللي عامل اعراض الجانبية
- ان تكون نوع البكتريا اللي انت مديلها المضاد الحيوي ده مش sensitive ليه ( يعني ما بيقدرش يموتها )
2- الحقن في الغالب العميل بياخدها مره واحده بس و بيحس ان الدنيا متضبطه و انه مش محتاج تاني .. فبتكون نسبه كبيره من البكتريا حوالي 25% من الحالات antibiotic resistance . و ده بيودينا للنقطه الاكثر خطوره
3- بتتكون strains او سلالات من البكتريا مقاومة للمضاد الحيوي اللى انت اديتهوله ... المصيبه بقي لما بيتنقل العدوي البكتيريه لمريض تاني ... فبيستخدم مضاد حيوي تاني بنفس الطريقه ال one shoot antibiotic .فبيزيد احتمالية وجود بكتريا في المجتمع community مش حساسه ناحية مضاد حيوي ... الا الحاجات اللي ليها اثار جانبيه خصيره زي مجموعة ال aminoglycoside زي gentamycin و اخواته ... و طبعا فاكرين انهم بيعملوا ototoxicity و nephrotoxicity
4- الدكسامثازون اللي بتديهاله one shoot ليها تأثيرات كتيره جدا :
- بتعمل masking للاعراض ال bronchial asthma >>>> و احد اصح يقوللي ما دي مصلحه .. اقوله لما تدي دوا planned انه يعمل pharmacological effect غير انك تديه و تيجي معاك بالبركه كده ... علشان ممكن المره اللي بعديها يجيله نفس الدور و ما ياخدش اي دوا لل bronchial asthma و ينتج في كده انه يكتشف انه عنده asthma متأخر و ممكن فعلا يحصله complications عنيفه جدا قد تؤدي الى الوفاه .
- التأثير الوقتي على diabetic suspects او المشتبه بهم كمرضي محتمليه للسكر non insulin diabetes mellitus .. و انا شخصيا شوفت حالات non insulin dependant DM و بعد ما اخدوا ال dexamethasone one shoot مره واحد ... السكر قعد عالي لحد لما اخد انسولين mixtard و lantus
- التأثير الوقتي على الاشخاص اللى عندهم الضغط عالي ... طبعا كلنا عارفين الطرق المختلفه اللى بيعلي بيها ال dexamethasone الضغط كواحد من عائلة ال synthetic gluco-corticosteroid
- الاثر كا immunosuppressant و ده في حد ذاته بيعمل superinfection بس م غير اعراض علشان هوه بيعمل masking لكل الاعراض بتاعة البرد .
5- نيجي بقي لبرنس السنوات السابقه و القادمه ... diclofenac 75 mg injections زي ال voltaren و بدايله و مشاكله نلخصها في الاتي :
- هو مش ال NSAID كخافض حراره .. المعتمد بس البروفين ..
- ال maximum allowed dose بس 150 مجم .. والله ... فوق كده بيبقي ظهور الاثار الجانبيه اكتر بكتير
- الامان بتاعه مش كبير يعني زي بقيه ال NSAID مش امان في الحمل و لا الرضاعه . و كمان مفيش اثبات انه بيستخدم اقل من 6 سنوات . و في قول اخر 3 سنين .
- الاهم انه قوي و سريع في المفعول .. و ده بيخلي العميل بيستخدمه من نفسه و الدكتور بيكتبه برضه و الصيدلي بيطلعه
- اهم اثار جانبيه هي التأثير على الكليه renal insufficiency و ال NSAID induced peptic & duodenal ulcer و كمان بيعمل exacerbation bronchial asthma .
علشان كل الاسباب دي و أكتر بقولك بلاااااااااااااااااااااش .
امنعوا حقنة البرد ... علشان العيان و المجتمع
ليست هناك تعليقات:
إرسال تعليق