ليه بتكلم اصلا عن الباراسيتامول ؟؟

ازايكوا يا جماعه ...

انا عارف ان فيه ناس هيقولوا اول ما يشوفوا البوست ... ايه البدايه الضعيفة دي ... انت جايب موضوع اتهرس 1,000,000,000 مره .

حابب اشاركم وجهة نظري ..

انا ليه بتكلم  عن الباراسيتامول في الاول ؟
1- علشان اكتر ادويه بتتباع عندك في الصيدليه اكتر من ربعها فيها باراسيتامول
2- تأثيره كخافض للحراره اقل من بقية ال antipyretic فده بيغري ناس كتير انها ما توصفوش
3- حدث و لا حرج علي غلطات دكاتره و صيادله في حساب جرعة الباراسيتامول في الاطفال . و الجرعه اما تكون sub-therapeutic او تكون over-dose
4- تداخلاته الدوائيه محدش بيبص عليها اصلا على الرغم ان فيه اسئله اساسيه لازم تتسأل للعيان اللى بتوصفله الحاجه دي
5- لانه موجود في ادويه كتير . فممكن العيان او ال patient ياخد الباراسيتامول من اكتر من مصدر source و بالتالي سهل قوي انه يعدي ال maximim allowed dose  و انت مش واخد بالك .
6- الكلام ده كله يخليني بنقذ حالات كتير جدا من انها تقع تحت الاخطاء الطبيه لمستحضرات الباراسيتامول

طيب .. هاحول الم الدنيا كلها هنا . و هنفرد للموضوع بتاع جرعات الاطفال لاني شوفت فيها العجب !!!

1- الباراسيتامول او الاسيتامينوفين
paracetamol = acetaminophen
الاستخدام : خافض للحراره و مسكن للالم
antipyretic and mild analgesic

2- الجرعه في الكبار
500 مجم في الجرعه الواحده الى 4 مرات في اليوم . و الجرعه قد تزيد الى 1000 مجم في الجرعه و لكن الى 3 مرات باليوم
الحد الاقصي للجرعه في الكبار = 4000 مجم في اليوم
هذه الجرعه تقل الى النصف في حالة تناول اي مشروبات كحوليه .

3- الجرعه في الاطفال
من 10 - 15 مجم لكل كجم في الجرعه . قد تكرر بحد اقصي 5 مرات
اي ان اقصي جرعه يوميه تصل الي 75 مجم لكل كجم في اليوم

4- موانع الاستعمال
مرضي الكبد - حالات الفشل الكبدي

5- تحذيرات
المرضي المعرضون لاحتمالية تلف في خلايا الكبد .

6- التفاعلات الدوائيه
- الكحول
- ليفلوناميد
- بريلوكايين

7- المستحضرات التي تحتوي علي باراسيتامول في سوق الدواء المصري
abimol
adol
cetal

1,2,3
atshi
allercet cold
babyrhino
buscopan plus
cafamol tab
cafamol extra
cetafen tab
cetafen plus
megafen tab
cevamol
cold control
cold free
coldinase
comtrex
congestal
cough rest
coughsed paracetamol
dantrelax
excedrin
ezamol c
flexpro extra
flumol
flurest
g c mol
hepamol
injectamol
methorelax
michaelon
myolax
myolgin
neo michaleon
night and day
no migrain
no flu
norgesic
nova c
novaldol
oplex
panadol
paracetamol
paramol
parofen
pentacold
pentaflu
perfalgan injection
petro
power cold & flu
pyral
rectoplexil supp
relax cap
relaxon cap
rhinomol s
rhinocalm
sine up
sinutab
solpadeine
stopadol
stopain
temporal
tempra
toplexil
tylenol
typecatol
vegaskine
vics dayquil cold & flu
wellness

Simply pharmacokinetics vs pharmacodynamics

, Hi 

Simply  

Pharmacokinetics 

Is the effect of body on drug 

And

Pharmacodynamics 

 Is the effect of drug on body

كل ما يجب معرفتك قبل وصف الباراسيتامول

من سلسلة صيدلي بدرجة دكتوراه

نتكلم بقي عن الدواء الأكثر مبيعا في الصيدليات ، موجود في أدويه كتير جدا .. الباراسيتامول او الاسيتامينوفين

الباراسيتامول موجود في مجموعة ال panadol  بنادول و هو ال first generic بتاع الباراسيتامول

و كمان موجود في معظم تركيبات أدوية البرد زي الكونجستال congestal و الكومتركس comtrex و ال 1,2,3 

و كمان موجود في أدوية تانيه باسط للعضلات و مسكّن زي الميولجين myolgin و زي الميوفين myofen و غيرهم

و موجود كمان في السيفامول فوار cevamol effervescent ،

و موجود فرضه في صورة حقن زي البرفالجان perfalgan و انجكتامول injectamol 

طيب آيه حكايته بقي ،،،

نبدأ بالجرعه القصوي

اقصى جرعه للباراسيتامول في الشخص السليم البالغ هي ٤٠٠٠ مجم في ال ٢٤ ساعه

و في الاطفال من ١٠ - ١٥ مجم / كجم / جرعه

بحد اقصي ٥ جرعات يعني ٧٥ مجم / كجم في اليوم

اخر تعليمات هيئة الغذاء والدواء بخصوص اقصي جرعه يوميه للباراسيتامول

جرعة الباراسيتامول في الاطفال موقع drugs.com

طيب بناء علي الجرعات دي. نعرف نعمل dose calculation مضبوط ؟

هناخد ٣ امثله توضيحية

طفل حوالي سنه و شهرين ، وزنه حوالي ١٠ كجم.

و احنا قررنا نديله سيتال شراب او بارامول شراب او سيتال لبوس او سيتال نقط

بنحسب الاول جرعة الباراسيتامول
  ١٠ - ١٥ مجم × ١٠ كجم = ١٠٠ مجم حتي ١٥٠ مجم في الجرعه  الي ٤ مرات

نيجي نطبق الحسابات دي علي الأدوية بتاعتنا

١. سيتال شراب cetal syrup
اهم حاجه تركيزه

سامع واحد خبره قال ٢٥٠ مجم في ال ٥ مل .. الله ينور عليك

طيب يبقي الطفل ده هياخد
Dose 100 mg × 5ml / 250 mg = 2 ml
Dose 150 mg × 5ml / 250 mg = 3 ml

 يعني من ٢ الي ٣ مل من السيتال شراب تتكرر لحد ٤ مرات

------------------------------------------------------------------

طيب نطبق نفس الكلام الي ال   cetal drops سيتال نقط

Dose 100mg = 1ml

Dose 150mg = 1.5ml

يعني من ١ ل ١.٥ مل للطفل ال ١٠ كيلو تتكرر الجرعة لحد ٤ مرات

----------------------------------------------------------------------ا


   اما بقي السيتال لبوس

تركيزه ١٢٠ مجم في اللبوسه الواحدة ، يعني الجرعة هتبقي لبوسه لحد ٤ مرات 

------------------------------------------------------------------

 البارامول شراب
 ايوه بالضبط 

تركيزه ١٢٠ مجم لكل ٥ مل 

لما نعمله نفس ال dose calculations 

Dose 100mg x 5ml / 120 mg = 4.2 ml

Dose 150mg x 5ml / 120 mg = 6.25 ml

يعني الجرعة تقريبا من ٤ مل الي ٦ مل للطفل ال ١٠ كيلو 

--------------------------------------------------------------

الدواء الأكثر مبيعا في السعودية 

الفيفادول شراب

 تركيزه ١٦٠ مجم لكل ٥ مل 

نعمل بقي الجرعات 

Dose 100 mg x 5 mg / 160 mg =  3.1 ml

Dose 150 mg x 5ml / 160 mg = 4.7 ml

كده الجرعه من ٣.١ مل الي ٤.٧ مل من شراب الفيفادول للطفل اللي وزنه ١٠ كجم

------------------------------------------------

كده يعتبر خلصنا جزئية ال Dose calculations

ارتفاع درجة حرارة الجسم و كيفية التعامل معها
من سلسلة صيدلي بدرجة دكتوراه


ارتفاع درجة حرارة الجسم او ال hyperthermia عرض من الأعراض المصاحبة للعديد من الأمراض ، و لكن أكثر هذه الأعراض احتمالية هو نزلات البرد و الانفلونزا ، فيما يسمي بالحمي .

سنتعرض بعد قليل لكيفية التعامل مع هذه الحالات ، داخل الصيدليات العامة .

كلنا حصل معانا الموقف ده .

يدخلك راجل و يقولك ابني يا دكتور سخن و عايزله دوا ..

نيجي هنا و نتعامل مع ال case دي بحرفيه شويه

اكتب في رد عن آيه الاسئله اللي هاتسألهاله علشان تطلع دوا مضبوط ؟؟

مستني تفاعلكم مع البوست ،،،، و قول و ما تتكسفش .

احنا طريقتنا هاتبقي التفاعل اللي بيؤدي الي التعلم الدائم 

مقدمة سلسلة صيدلي بدرجة دكتوراه - You Tube

معاكم صيدلي .احمد علاء الدين محمد

زيي زي كتير منكم درست في مصر ، بس الميزة اننا اخدنا اساسيات الكلينيكال بدري شوية .

اشتغلت فعي الصيدليات العامة او ال community pharmacy حوالي ١٠ سنين .

الفكرة كلها ان احنا بدأنا ناخد الحاجات اللي درسناها في الكلية و نطبقها علي الشغل بتاعنا.

طبعا الفرق كبير جدا بينك و بين اي حد تاني ، و الفرق له بيتمثل في ان المادة الفعاله نفسها انت آمار واحد عارف عنها كل حاجه ، عارف امتي بتاخد و إنتي ما بتتاخدش .

الكلام ده هنبدأ نتكلم فيه مع بعض ، و نتكلم عن مادة فعالة علي حدى. 

و لازم نبدأ طبعا بالأدوية الوصفية او ال OTC drugs . او الأدوية اللي بنطلعها عادي في الصيدلية من غير استشارة طبيب. سبحان الله هي هي الادويه اللي اللي بيجيلك عليها عميل او patient ، و بتطلعهاله عادي من علي الرف . 

خلي بااااااااااالك .....

قبل ما تمد إيدك علي اي علبة بنادول او كومتركس او حتي علبة كتافلام ، في الاول لازم تاخد الخلفية او ال background اللي تأهلك انك تعمل كده و ترد علي اي سؤال متعلق بالدوا اللي في ايديك . 

احنا هنا بتاخد ال background دي ، بنراجع مثلا ان ال catafast sachets ال كتافاست اكياس او ال Cataflam كتافلام أقراص او حقن بتعمل gastric ulcer او قرحة في المعده و الاثني عشر ، فبالتالي ما بنديهوش لحد يكون عنده قرحه في المعده ، او gastric ulcers . 

إنما لو معندناش المعلومة الكامله عن المواد الفعاله دي ، بتوقعك في خطأ طبي جسيم...

احنا هنا بقي هنتكلم عن كل ده بشكل more specific . و هنقول عنها كل حاجه ليها تطبيق عندنا في الصيدلية ،،

و هايبقى الطريقة اللي هانمشي بيها 

المادة الفعالة active ingredient 

المجموعة العلاجية therapeutic group 

الجرعات او ال dosing و هنتكلم عن 

الجرعات الفعالة و أقصي جرعة أمنه 

Effective dose

Maximum allowed dose

الجرعات في الأطفال

Pediatric dosing

احتياطات الجرعات 

Special precautions 

كمان هنتكلم عن موانع و تحذيرات الاستخدام 

Contra indications and precautions 

و كمان ال special population 

هنتعمق في اهم التفاعلات الدوائية مع الماده الفعاله

Most important drug drug interactions 

و في الاخر هنعرض اهم المستحضرات الدوائية اللي فيها الماده الفعاله دي . 

و في اخر كل مجموعه هنبدأ نطبق كل اللي خدناه ده علي هيئة case study

و هايكون قبلها تمهيد ازاي اعمل اختيار للدوا بتاعي 

How to make drug selection

دي الطريقه اللي ناويين نمشي بيها ، و مستني اقتراحاتكم و ارائكم .

ان شاء الله هنبدأ البوست اللي جاي عن أشهر الأدوية اللاوصفية و أكثرها مبيعات في مصر و الدول ألعربيه 

خوافض الحرارة اوantipyretic 

 الباراسيتامول 

Paracetamol 

و بعده 

الإيبوبروفين 

Ibuprofen 

شعارنا في المرحلة اللي جاية هو 

صيدلي ... بدرجة دكتوراه

ممكن كمان تفرج علي الفيديو ده ،، بتكلم فيه عن الموضوع ده 

https://youtu.be/kAmFkYQJbII

اهلا بكم في مدونة صيدلي بدرجة دكتوراه
هذه المدونه تم تعيينها خصيصا من اجلك انت
بنتكلم عن الصيدلي في مجال الصيدليات العامه في مصر و المملكة العربية السعودية
معاكم. صيدلي. أحمد علاء الدين محمد
صيدلة حلوان دفعة ٢٠٠٧
اشتغلت في مجال الصيدليات بقالي حوالي ١٠ سنين اهوه..
حابب نفتح مع بعض مواضيع صيدلانية اساسيه و نتعرف علي اكتر الاخطاء الشائعة اللي ممكن تقابلك في المجال ده.
هنحاول كمان نبسط الكلام اللي درسناه في الكلية و نطبقه مباشرة علي مجال العمل.
يعني مثلا انت عارف ان الباراسيتامول بيعمل hepatotoxicity. يبقي لما عميل ييجي يسألني هو انا اقدر اخده و انا عندي hepatitis C. تبقي الاجابه جاهزه معاك. مش محتاج تفتكرها.
تابعونا... تجدوا ما يسركم.
و اوعدك.. الوقت اللي هتقضيه هنا هيبقي افيدلك ١٠٠ مره من اي حاجه تانيه.
لانه بيعلي مستوي الصيدلي اللي جواك..

اول بوست كده خلص. تابعونا..
صيدلي. أحمد علاء الدين محمد